ക്യാൻസർ ചികിത്സയിൽ മാറ്റങ്ങൾ കുറിക്കുന്ന ഇമ്മ്യൂണോതെറാപ്പി: അറിയേണ്ട കാര്യങ്ങൾ

പരമ്പരാഗത ക്യാൻസർ ചികിത്സാ രീതികളായ സർജറി, കീമോതെറാപ്പി, റേഡിയോതെറാപ്പി എന്നിവയ്ക്ക് പുറമെ ഇന്ന് ലഭ്യമായ അത്യാധുനിക ചികിത്സാ രീതിയാണ് ഇമ്മ്യൂണോതെറാപ്പി. ശരീരത്തിലെ ക്യാൻസർ കോശങ്ങളെ നശിപ്പിക്കാൻ നമ്മുടെ തന്നെ രോഗപ്രതിരോധ സംവിധാനത്തെ സജ്ജമാക്കുകയാണ് ഇതിലൂടെ ചെയ്യുന്നത്. ഇമ്മ്യൂണോതെറാപ്പിയുടെ പ്രവർത്തന രീതിയെക്കുറിച്ചും അതിന്റെ ഗുണങ്ങളെക്കുറിച്ചും വിശദമായി ഇമ്മ്യൂണോതെറാപ്പിയെക്കുറിച്ചും അതിന്റെ പ്രത്യേകതകളെക്കുറിച്ചും സംസാരിക്കുകയാണ് കോഴിക്കോട് ബേബി മെമ്മോറിയല്‍ ആശുപത്രിയിലെ മെഡിക്കല്‍ ഓങ്കോളജി കണ്‍സള്‍ട്ടന്റ് ഡോ നിതിന്‍ രാജ്‌

കീമോതെറാപ്പിയിൽ മരുന്നുകൾ ഇൻജക്ഷൻ രൂപത്തിലോ ഗുളിക രൂപത്തിലോ നൽകി ശരീരം മുഴുവൻ പടർന്ന് ക്യാൻസർ കോശങ്ങളെ നേരിട്ട് നശിപ്പിക്കുകയാണ് ചെയ്യുന്നത്. എന്നാൽ ഇമ്മ്യൂണോതെറാപ്പി വ്യത്യസ്തമാണ്. ഇത് ക്യാൻസർ കോശങ്ങളെ നേരിട്ടല്ല അറ്റാക്ക് ചെയ്യുന്നത്, പകരം ശരീരത്തിന്റെ രോഗപ്രതിരോധ ശേഷി (Immunity) വർദ്ധിപ്പിച്ച് അവയെക്കൊണ്ട് ക്യാൻസർ കോശങ്ങളെ നശിപ്പിക്കുകയാണ് ചെയ്യുന്നത്.

കീമോതെറാപ്പിയിൽ കണ്ടുവരുന്ന മുടികൊഴിച്ചിൽ, ശർദ്ദി, വായ്‌പുണ്ണ് തുടങ്ങിയ പാർശ്വഫലങ്ങൾ ഇമ്മ്യൂണോതെറാപ്പിയിൽ സാധാരണയായി കാണാറില്ല.

നമ്മുടെ ശരീരത്തിൽ ഒരു വൈറസോ ബാക്ടീരിയയോ ക്യാൻസർ കോശമോ പ്രവേശിച്ചാൽ വെളുത്ത രക്താണുക്കൾ (White Blood Cells) അവയെ നശിപ്പിക്കാൻ ശ്രമിക്കും. എന്നാൽ ക്യാൻസർ കോശങ്ങൾ പലപ്പോഴും രോഗപ്രതിരോധ സംവിധാനത്തിൽ നിന്ന് ഒളിച്ചിരിക്കാൻ ശ്രമിക്കാറുണ്ട്. ഇതിനായി അവ ഉപയോഗിക്കുന്ന ഒന്നാണ് 'ഇമ്മ്യൂൺ ചെക്ക് പോയിന്റുകൾ'.

ഒരു വണ്ടിക്ക് ബ്രേക്ക് എന്നപോലെയാണ് ശരീരത്തിൽ ഈ ഇമ്മ്യൂൺ ചെക്ക് പോയിന്റുകൾ പ്രവർത്തിക്കുന്നത്. ക്യാൻസർ കോശങ്ങൾ ഈ ബ്രേക്ക് ഉപയോഗിച്ച് രോഗപ്രതിരോധ സംവിധാനത്തെ തടഞ്ഞുവെക്കുന്നു. ഇമ്മ്യൂണോതെറാപ്പിയിൽ ഉപയോഗിക്കുന്ന 'ഇമ്മ്യൂൺ ചെക്ക് പോയിന്റ് ഇൻഹിബിറ്റേഴ്സ്' (Immune Checkpoint Inhibitors) എന്ന മരുന്നുകൾ ഈ ബ്രേക്ക് നീക്കം ചെയ്യുന്നു. ഇതിലൂടെ രോഗപ്രതിരോധ കോശങ്ങൾ ക്യാൻസർ കോശങ്ങളെ കൃത്യമായി തിരിച്ചറിയുകയും അവയെ നശിപ്പിക്കുകയും ചെയ്യുന്നു.

നിലവിൽ ക്ലിനിക്കുകളിൽ കൂടുതലായി ഉപയോഗിക്കുന്നത് ചെക്ക് പോയിന്റ് ഇൻഹിബിറ്റേഴ്സ് ആണ്. പെംബ്രോലിസുമാബ് (Pembrolizumab), നിവോലുമാബ് (Nivolumab) തുടങ്ങിയവ ഇതിന് ഉദാഹരണങ്ങളാണ്. ഇതുകൂടാതെ മറ്റ് രീതികളും വികസിച്ചുവരുന്നുണ്ട്:

കാർ ടി സെൽ തെറാപ്പി (CAR T-cell Therapy): ശരീരത്തിലെ രോഗപ്രതിരോധ കോശങ്ങളെ ശേഖരിച്ച് ലാബിൽ കൊണ്ടുപോയി റീ-എഞ്ചിനീയറിംഗ് (Software Update പോലെ) ചെയ്ത് തിരികെ ശരീരത്തിലേക്ക് കടത്തിവിടുന്ന രീതിയാണിത്.

ക്യാൻസർ കോശങ്ങളുമായി ബന്ധിപ്പിച്ച് നശിപ്പിക്കുന്ന രീതി.

ഇമ്മ്യൂണോതെറാപ്പിക്ക് കീമോതെറാപ്പിയെ അപേക്ഷിച്ച് പാർശ്വഫലങ്ങൾ കുറവാണെങ്കിലും ചില പ്രത്യേക അവസ്ഥകൾ ഉണ്ടാകാം. ശരീരത്തിലെ ചില കോശങ്ങൾ ഇമ്മ്യൂൺ സിസ്റ്റത്തിൽ നിന്ന് ഒളിച്ചിരിക്കാൻ ഇതേ ബ്രേക്കുകൾ ഉപയോഗിക്കാറുണ്ട്. ഇമ്മ്യൂണോതെറാപ്പി മരുന്നുകൾ ഈ ബ്രേക്ക് മാറ്റുമ്പോൾ, രോഗപ്രതിരോധ സംവിധാനം അബദ്ധത്തിൽ സ്വന്തം അവയവങ്ങളെ (ലിവർ, ഹാർട്ട്, കിഡ്നി) അറ്റാക്ക് ചെയ്യുന്ന 'ഓട്ടോ ഇമ്മ്യൂൺ' അവസ്ഥ ഉണ്ടായേക്കാം. ഇത് വളരെ അപൂർവ്വമാണ്. എന്നാൽ സ്റ്റിറോയിഡുകൾ ഉപയോഗിച്ച് ഇത് ചികിത്സിച്ചു മാറ്റാവുന്നതാണ്.