ചൂടുകുരു വന്നാൽ പൗഡർ ഇടരുത്! വേനൽക്കാലത്ത് നാം വരുത്തുന്ന തെറ്റുകൾ

വേനൽക്കാലത്തെ മുടി സംരക്ഷണം

• ആഴ്ചയിൽ രണ്ടു പ്രാവശ്യമെങ്കിലും ഷാംപൂ ഉപയോഗിച്ച് തല കഴുകുക.
• മൈൽഡ് ഷാംപൂ മാത്രം ഉപയോഗിക്കുക.
• ഷാംപൂ തലയോട്ടി വൃത്തിയാക്കുവാൻ  മാത്രം ഉപയോഗിക്കുക, മുടിയിൽ ഒരുപാട്  പതപ്പിക്കരുത്. ആവശ്യമെങ്കിൽ കണ്ടീഷണർ ഉപയോഗിക്കാം.

സൺസ്ക്രീൻ ഉപയോഗിക്കുമ്പോൾ ശ്രദ്ധിക്കാൻ

• സൺസ്ക്രീൻ ഉസൺസ്ക്രീൻ ഉപയോഗിച്ചതുകൊണ്ട് ടാൻ പൂർണ്ണമായും ഒഴിവാക്കാൻ സാധിക്കില്ല.
• വാട്ടർ ബേസ്ഡ് അല്ലെങ്കിൽ ലൈറ്റ് വെയിറ്റ് സൺസ്ക്രീനുകൾ ഉപയോഗിക്കുക.
• സൺസ്ക്രീൻ റീ-അപ്ലൈ ചെയ്യുമ്പോൾ മുഖം കഴുകിയ ശേഷം മാത്രം പുരട്ടുക.
• സ്വിമ്മിംഗ് പൂളിലോ ബീച്ചിലോ പോകുമ്പോൾ ബേൺ തടയുവാൻ ചെയ്യാൻ സൺസ്ക്രീൻ നിർബന്ധമായും ഉപയോഗിക്കണം. ഇത്തരം സാഹചര്യങ്ങളിൽ 30 മിനിറ്റ് അല്ലെങ്കിൽ ഒരു മണിക്കൂർ കൂടുമ്പോൾ സൺസ്ക്രീൻ വീണ്ടും പുരട്ടുക.

ചൂടുകുരുവും പൗഡർ ഉപയോഗവും

• ചൂടുകുരു വന്നതിന് ശേഷം പൗഡർ ഇടുന്നത് ഒഴിവാക്കുക, ഇത് വിയർപ്പ് ഗ്രന്ഥികൾ വീണ്ടും ബ്ലോക്ക് ആവാൻ കാരണമാകും.

• ആന്റി ഫംഗൽ പൗഡറുകൾ (ഉദാഹരണത്തിന് കാൻഡിഡ് പൗഡർ) ചൂടുകുരുവിന് ഉപയോഗിക്കരുത്. ഇത് ഭാവിയിൽ ഫംഗൽ ഇൻഫെക്ഷൻ വന്നാൽ മരുന്നിന്റെ ഫലപ്രാപ്തി കുറയ്ക്കും.

• ചൂടുകുരു വന്നാൽ സ്കിൻ തണുപ്പിക്കാൻ ശ്രമിക്കുക. തണുത്ത വെള്ളത്തിൽ മുക്കിയ തുണിയോ ഐസോ ഉപയോഗിച്ച് ത്വക്ക് തണുപ്പിക്കുന്നത് നല്ലതാണ്.

ശരീരത്തിലെ മടക്കുകളിലെ ചൊറിച്ചിലും ഇൻഫെക്ഷനും

• അയഞ്ഞുകിടക്കുന്ന കോട്ടൺ വസ്ത്രങ്ങൾ ധരിക്കുക.
• ഇറുകിയ  സിന്തറ്റിക് അടിവസ്ത്രങ്ങൾ ഒഴിവാക്കുക.
• സോഫ്റ്റ് ആയ കോട്ടൺ തുണി സ്ട്രിപ്പുകളായി മുറിച്ച് മടക്കി വിയർപ്പ് തങ്ങുന്ന ഭാഗങ്ങളിൽ വെക്കുന്നത് വഴി വിയർപ്പ് ആഗിരണം ചെയ്യാനും സ്കിൻ പൊതിരുന്നത് തടയാനും സാധിക്കും.

Dr. Anisha K. Janardhanan is a Consultant Dermatologist at Baby Memorial Hospital, Calicut, with specialised expertise in clinical dermatology, aesthetic medicine, and trichology